Friday, 10 May 2013

"DAHEJ-PRATHA" 28.3.13

Apani Bharat-Bhumi ko hum,
'MAA' ka roop dete hai.
Durga, Kali, Lakshmi ke roop me,
Usaki pooja hum karate hai.
Rakhi ki atoot gatho ko,
Sneha se BETI bandhati hai.
Lekin 'Dahej' ka nam sun,
Saham Beti KYO jati hai?
                                                   Dahej ab apane samaj ka,
                                                   Abhishap-sa ban gaya hai.
                                                   Esaki dansh ki lalach logo me,
                                                   Kitani Ladaliyo ka nash kiya hai.
                                                   Dahej ki lalach logo me,
                                                   Senseksa-si barati jati hai.
                                                   Jisake barate graph ko dekh,
                                                   Linganupat desh ki ghatati hai.
Dahej ke karan Betiya,
Samaj se pichhara jati hai.
Esake DARR se mata-pita,
Shiksha v kam dilavate hai.
Jyada pregi, Aage baregi,
Dulha barabar ka lauga.
Lekin manhange VARMALE ke liye,
Paise kaha se jutauga?
                                                   Aisi nahi Dahej ki parampara,
                                                   Rang samaj me abhi layi hai.
                                                   Seeta ko byah kar Janak ne,
                                                   Dasharath ko Dahej chukayi hai.
                                                   Yah parmpara apani sanskriti ki,
                                                    Varsho se aati rahi hai.
                                                     Lekin bin mange pane ki,
                                                    Parampara hi kayam rahi hai.
Samay ke sath samaj badalata,
Aisa sabo ne mana hai.
Dahej ki asali chhanta,
Ab samaj par chaya hai.
Bete ko aage badhakar,
Bap hisab lagata hai.
Etana kharcha kar, pauga kitana?
Guna-bhag kar jata hai.
                                                    Jab Ladaki vale ghar ko aate,
                                                    Sneh & virodha parosate hai.
                                                    Bachapan se javani ki kissa,
                                                    Bare pyar se sunate hai.
                                                    Langare ko pahad chadhavate,
                                                    Gunge se kavvaliya gabavate.
                                                    Adhik Dahej pane ke chakkar me,
                                                    Jhoot kae bap bol jate.
Laraki ka bap bechara,
Chupchap sab sunata rahata.
Usake bagal me baitha aadami,
Jor-ghatav karata rahata.
Ant me phaisala hota,
Aage-pichhe log hote.
Lekin Beti ka bap becharta,
Dahej ki bojh se dabate.
                                                 ' Jaise ko Taise' ki kahavat,
                                                   Apane samaj me prachalit hai.
                                                   Vahi Beta ka bap ek din,
                                                    Bap Beti ka v banata hai.
                                                    Tab usaki akla shunya ho jati,
                                                     Guna-Bhag san bhul jata.
                                                    Jor-Ghatav ke chakkar me,
                                                    Dahej ka dansh dikhayi deta.
Agar usidin, usisamay vah,
Bap yah phaisala kar le.
Aage se Dahej n pharamayege,
Jo mile pa jayege.
Dulhan ko Dahej man kar,
Apani Beti bana lege.
Tab Dahej ki vishaili dante,
Vahi toot gir jayege.
                                                     Vahi Bap samaj me jakar,
                                                      Apani mansa jab sunayega.
                                                     Apane aadarsh ko samane rakh,
                                                     Ek nayi pahachan banayega.
                                                     Logo ki aankh khulegi,
                                                     Dahej ka bojh ghatega.
                                                     Paise ke upar gun phir,
                                                     Samaj me pahachan payega.
Phir KYA Beta & KYA Beti?
Sab barabar ho jayega.
Ek sath aage barege,
Saman shiksha sab payege.
Tab senseksa Dahej ka,
Neeche aate najar aayega.
Aur linganupat Desh ka,
Upar hi chadhata jayega. 

No comments:

Post a Comment

Post a Comment