"YE KYA LIKH RAHE HAI HAMARE BUDDHAJIVI" 29.07.2013

                                                          Sir aapne bahut satik jagah par satik shabdo ka Prayog kiya hai. Mai aapko

roj sunata hoo. Mere ek saval dijiye, Mere ek POST me PATNA ke HANUMAN MANDIR ka PHOTO aaya tha, jisake sanchalk Aachrya Kishor Kunal Jee hai, unake "HINDUTTVA" ko maine unaki "SEVA-DRISHTI" & "JATIGAT BHAVANAO SE UPAR UTHAKAR VIDDATA" ko Prashraya dene ke roop me define kiya hai. KYA aapka RSS, VHP, BJP & HINDU BRAND MODI JEE us "HINDUTTVA" ko Follow karate hai? Nahi. Aapne kuch Mushlim Aatankavadiyo ka Naam ginakar kaha ki jab v Aatankvad ka naam aata hai to Mushlim samaj ko log Sandeh se dekhate hai. Mai sahamat hoo; lekin KYA Mushlim Country me Bharat ke HINDUTTVA ke rakshako ko AATANKAVADI ke roop me nahi dekha jata hoga, eski charcha aapne nahi ki. To aap ye kahane ke adhikari nahi hai ki sare Mushlim Aatankvadi jaise hai; kyoki aap v HINDU hite hua HINDUTTVA ka Jhoota Dhidhola peetane walo ka Sanrakshan kar rahe hai to KYA aap unaki najar me AATANKAVADI nahi hai? Aakhir Bharatiya Rajniti ko ho kya gaya hai? Hamare desh me Samvidhan hai

(aapne kae Mushlim countryo me Rajshahi se Loktantra ki aor lautane ki bat svikari hai), jo sare DHARMA ko ek manate hue "DHARMANIRPEKSHATA" ki SIKH deti hai. Hamara desh "SAMAJVAD" ko svikarata hai. Hamara desh VIshva ka sabase bada loktantraik desh hai & hamare desh ke katipay Neta (aajkal sabhi) khulkar "HINDU-MUSHLIM" Voto ka Laubi karane me lage hai? Kya unhe JAIL me nahi dal dena chahiye? " OWAISI" Bolata hai to 'JAIL' jata hai, "PRAVEEN TOGADIYA" bolate hai to KYO nahi? KYA aapko lagata hai ki hamare desh ke Netao ne "HINDU JANATA" ke sath Ensaph kiya hai. Agar aajtak nahi kiya to ab HINDU-MUSHLIM ka batavara kyo kar rahe hai. Aapne Mushlim Schoolo me Padae ki paddhati par "PRASHNA-CHINHA" uthayi mai sahamat hoo; lekin aajtak aaplog v desh ke Rajnitik Dalo ko Mushlim Tushtikaran ki bat kahate rahe hai, kabhi ye saval KYO nahi daga, Aaj KYO? Kya mai ye nahi manoo ki aapne apane AALEKH me kisi DHARMA-VISHESH ke khilaph & Parokshatah kisi DHARMA-VISHESH ka paksh liya hai. Aaplog Samaj ko HINDU & MUSHLIM me batkar ladavana chate hai; lekin jin HINDUO ko Hathiyar banakar ladane chale hai unake liye desh ki Rajniti ne kiya? Kya aapko lagata hai ki ab DHARMA ki Naam lekar logo ko ladava sakate hai? Mujhe nahi lagata; kyoki jinlogo aap Hathiyar bana rahe hai vo ab VIKAS ki bat karane lage hai to aap unhe ab "JATI" ka nahi "DHARMA" ka "AAENA" dikha kar Apana Ullu sidha karana chahate hai. Aur koe bat nahi hai.

Jahatak DHARMA ki Rajniti me Hastakshep ki bat hai to mai aapse bilkul sahamat hoo & es bat ko v svikarata hook i MUSHLIMO ke badasthiti ya Garib Hinduo ki Badasthiti ke liye unake khud ke PRATINIDHI jimmevar hai. Ye log Apano ko AATANKAVADI & NAKASLI batavakar apana Ullu siddha karate hai. Lekin jaha tak Samajik ya Dharmik Sthiti me DHARMA ki upasthiti ki bat hai to hamare Samaj & Dharma kaphi ek dusare se Napharat nahi karate. VoNeta log hote hai, jo logo ko aapas me ladate, unake pas jakar rone ki Natak karate hai & 2no Neta ek sath baith kar Jam takkarate hai. Udaharan dekhana ho to “VAISHNO MATA” ko dekh lijiye, vaha Yatrio ko MATA ke DARAVAR tak pahuchane ka KAM Mushlim hi karate hai. Hamare bojh ko dhote hai. “ BABA AMARNATH” ki Yatra ko le le, vaha v “VAISHNO MATA” wali hi bat hai. Agar Bihar me dekhana ho to yaha ke sabase Pavitra Tyohar “CHHATH PUJA” ko dekhe, kaise hamare Mushlim Bhai “CHHATHVARTIYO” ke liye apana SEVA karate hai. Patna “HANUMAN MANDIR” ke “RAMNAVAMI” ko le lijiye, Kaisa MushlimDukandar Bhai log sara din RAMBHAKTO ki Seva karate hai. Hamare desh me Aajadi ke bad “HINDU-MUSHLIM” ke beech Bibhed paida hone ka sabase bada karan “RAM-JANMABHUMI” hi hai. Lekin PATNA me to RAN-NAVAMI par “HINDU-MUSHLIM” Ekata ek PRATIK banker ubharati hai. Aap kaise kaha sakate hai ki Mushlim-Samaj Etihas ko Bhulakar aage ko soche? KYA Mushlim-Samaj Patna me Etihas ko nahi bula rahi; lekin Neta sab en bato ko bhulane de tab to. Bhulane nahi dete aaplog……….

"BADALAV, BADALAV AUR KEVAL BADALAV" 29.07.2013

                                                   MARX Duniya ke ek VICHAE ka naam ka jinake Aadhar par kae desho me kae Rajnitik PARTYYA v bani; taki samaj ko "NYAY" mil sake. Mujhe nahi pata vo apane UDDESHYA me kitana saphal hua; lekin etana jaroor pata hai ki "MARX" ek "KRANTIKARI" the, jinhone "RAJSHAHI" ke khilaph AAVAJ buland kar "KISAN-MAJDOORO" ko unaka Hak dilaya tha. Ek bahut Prasiddha KAHAVAT hai ki "PANI" ko jis Bartan me rakh do, vo usi ka roop le leta hai. Aaj "MARXVAD" & "GANDHIVAD" ke bare hum unhi jumlo ka Prayog kar sakate hai.

Samay ke sath har VICHARDHARA ko Samayojit karane ki jaroorat hoti hai. Aaj agar mai jis RASTE par chal raha hoo, agar koe kahe ki Mai "MARXVADI" hoo to aaj ke sandarbh me sahi hai; lekin use sochane ke liye apani VICHARO ko upar le jana hoga. Kyoki jab MARX the, tab unhone SAMAJVAD ko nahi "SAMYAVAD" ko apanaya. Lekin meri har Bat "SAMAJVAD" par tika hai; kyoki hum PARIVARTAN ki nahi "BADALAV" ki bat kar rahe hai. Lekin MARX ne "KRANTI" kiya, jo PARIVARTAN ka ddotak hai. Lekin meri SOCH kisi "KRANTI" ke liye nahi hai.

Agar apane desh me dekhe to Gandhi Jee ne desh ko AAJADI dilayi, sab manate hai; lekin "KRANTIKARIYO" ne YUVAO me ek sphurti paida ki ese log bhul jate hai. Jab Gandhi Jee ne "BHARAT CHHODO AANDOLAN" shuru kiya & ubakar "KARO YA MARO" ka NARA diya, jo AHISA ka Svaroop nahi hai. Vaha dekhe to Gandhi nahi "DARVIN" the; kyoki unhone "UTTARJEEVITA KA NARA" diya & "KARO YA MARO" usitarah ka NARA hai. 2sari aor dekhe to Subhashchandra Bosh v usi samay apane "AAJAD HIND FAIJ" ke sath apane hi desh me ANGREJO ke khilaph chadae kar di thi.

Usake bad ke ETIHAS ko agar dekhe to JAIPRAKASH NARAYAN JEE ne "SAMPURNA KRANTI" ka NARA diya, Aaj unake CHELE mujhe "KRANTIKARI" batakar kitani badi "KRANTI" ko dava rahe hai, ye kahane ki bat nahi. Kyoki vo Kranti v Samvaidhanik Arajkat (EMARGENCY) ke khilaph tha & Meri AAVAJ v Samvaidhanik Arajakata ke khilaph hai; KYOKI jo bat aapne apane "BAJAT" me kahi, use pura karane me aap katara rahe hai to ye Samvaidhanik Arajakata hi hai n. Lohiya Jee ko le le to unake Chele unaki Vichardhara ko kistarah aage bada rahe hai, ye kahane ki bat nahi hai.Agar koe us RASTE par chala to Bihar me "KARPURI THAKUR JEE" the.Kashi Ram Jee ko le le to desh me mai unhe Gandhi Jee, J.P. Jee ke bad 3sare Aandolan ka purodha manata hoo; lekin unaki Virasat ko aaj MAYAVATI JEE kis tarah se lekar aage chal rahi hai, ye kahane ki bat nahi. Mai jitane v MAHAPURUSHO ka naam Aajadi se pahale ya Aajadi ke bad le chuka hoo, unaki prasangikata keval "JANMA-DIVAS" par MALA pahanane & "Punya-Tithi" par "SHRADHANJALI" Arpit karane tak hi hai. usase aage kuch nahi. Chunav ke samay sab unaka naam lete hai, VOTE lete hai, unake AADARSHO par chalane ki kasame khate hai, Janata kitani Nadan hai vo Neta se ye nahi Poochhati ki aaj aap KASAM kha rahe hai to pahale se kisake Aadarsha par chal rahe the, Bas en MAHAPURUSHO ki etani hi prasangikata hai hamaredesh me.

Ye sare log apane Rah se Bhatak gaye, 2vara Rasta par aane ka Mauka tha vaisa se Bhatak gaye. Aur ab mai jab desh ki Unnati ke liye "JANATA" ki unnati ki bat kar raha hoo & enake JHOOTE vado ke poora karane ke liye PRERIT kar raha hoo to ye mujhe Galat sabeet karane me lage hai. Ab to Ek tarah se Samvaidhanik Arajkata Chunav me v phioda ho gaya hai. S.C. ka phaisala & usase bache to "EVM" ke badaulat ye SATTASHEEN NETA abhi v SATTACHYUT ho sakate hai. Esliye log "KRANTI-2" ka naam lekar AAM JANATA ko Darate hai; kyoki "KRANTI" Dharatal par nahi hai, DILO me chal rahi hai. Aaj maine jo bat likhi hai, use to Jamin par lana v hoga. Vo v koe "KRANTI" nahi hogi, Mahaj ek ahasas hoga ki log ab jag gaye hai & bhule-bhatake logo ko Rasta dikhane ke liye "ROSHANI" ka v prabandh ho raha hai. Tab jakar aapke Neta hi aage aayege; kyoki unaka "DANA-PANI" uthata najar aayega. Bas yahi karana hai & aapko karana hai. Aphavahe uthegi & udhate hi rahegi. Phaisala aap kijiye. Nukasan aapko v nahi hai, aapke 'JAN-PRATINIDHIYO' ko v nahi hai; lekin PHAYADA sirph-&-sirph aapka hai. Aur mai ek bar phir se kahadoo ki mai kisi "KRANTI" ko prashraya de raha, shuru se kaha raha hoo & aaj v kahooga ki "BADALAV,BADALAV, BADALAV".........

"SAVAL UNAKE, JAVAB HAMARE" 27.07.2013

                                               

Mere Upar Kuch Aarop lagaye ja rahe hai ki mai dohare Charitra ka hoo, Matlab mai apane POST me Shabdo ka Jal bunata hoo & logo ko Ghera kar badanaam karata hoo. Es Aaropo ke sath mai apani saphae v Niche Kramashah dete jar aha hoo…..

(i)                  Mai MODI JEE par Nisana sadhate hua kahata hoo ki vo Garibo ke Neta nahi ho sakate; kyoki vo Degeiener kapade pahanate hai, videshi chashma lagate hai, aise me vo Garibo ke Neta Kaise ho sakate hai. Apani saphae me mai yahi kahooga ki mai Galat nahi hoo; kyoki MODI JEE ke aajtak ke maine jitane v RAILLY dekhe, aisa kabhi nahi laga ki vo Garibo ke liye hai. Modi Jee ko CARPORATE ka Neta kaha jata hai. Yaha tak ki Mera Khud ka manana hai ki vo “PAISE” ke dam Rashtriya Rajniti karate hai. Agar unaki Lokpriyata Gujarat me etani hoti (mai es V.S. chunav ki bat nahi kar raha hoo) to L.S. chunav me CONG. Hamesha unase aage nikal jati hai; kyo? Gujarat me v MODI NAAM ka koe Fector kam nahi karata. Jaha tak VIKAS ka saval hai to maine Pure Gujarat ko Chunav me Kareeb se dekha hai, jab Shaharo me “BIJALI & PANI” ki shikayat hai to Gauvo me KYA hoti hogi.

(ii)                SAMAJVADI kaha kar mai Mulayam Singh Yadav Jee & Mayavati Jee ko “KSB” par samarthan ke liye Blackmail kar raha hoo; jabki maine khud Akhilesh Jee ki HYTAKE CHUNAV PRAKRIYA & SHANDAR GADIYO ki tariph ki hai. Bilkul sahi kaha rahe hai ki maine unake Chunav-Pranali & Shanadar Gadiyo ki tariph ki hai; lekin ye bhul ja rahe hai ki SP & BSP dono PARTY janata ke beech VOTE magane SAMAJVAD ke Naam par hi jate hai & aaj vo jaha khade hai vaha use JANATA ke karan hai to Dayittva banati hai ki us JANATA ko “ACHCHHA KHANA, ACHCHHA RAHANA & ACHCHHE SHIKSHA” ka vandovasta kare. Lekin “KSB” ka virodh kar vo log SAMAJVAD ko Muh Chida rahe hai. Aur jaha tak mera saval hai to meri PRATINIDHITTVA ki sadan me nahi hai, jo mai apani narajagi Vyaktigat roop se jahir karoo.

(iii)               Maine kabhi Nitish Je eke bare me v FASHIONALABLE hone ki bat kahi. Bilkul kahi Har kisi ko Khubsurat dikhane ka hak hai, jahe vo Sarvajanik Jeevan me hi KYO n ho. Maine Nitish Jee ke Balo ke bare me kaha ki unake bal jab “DIL CHAHATA HAI” ke AAMIR KHAN ki tarah rahata hai to jyada SMART kagate hai. Etana hi nahi, maine Nitish Jee ki us bat ki v Tariph ki Jab Bihar Sarkar ne “AMBESSDAR” ko hatakar “SCORPIO” ko sab Mantryo ke liye laye the; kyoki samay ke sath badalava jaroori hai. Aaj Bihar V.S. & Sachivalaya Hytake ho chukka hai; lekin mai jab SAMAJ ko Hytake karane ki bat kar raha hoo to log Mere Peechhe pade hai. Yaha v SP & BSP wali bat lagoo hoti hai. 2sari bat mai batadoo ki mai Vyavaharik Jeevan me Rajniti ko bahut khataranak manata hoo & ye sare saval Vyavaharik Jeevan se Jude hua hai.

(iv)              4authi bat mere PARTY ke CONSTITUTION me hi likha hai ki hum “APANI SABHYATA & SANSKRITI ke sath AADHUNIKATA” ko pasand karate hai. Matlab saph hai ki Samay ke sath Badalav ko Pasand karate hai; lekin Desh ki pahachan ko kho dene wale badalav ko pasand nahi karate hai.

(v)                Ek saval, jo mere PERSIONAL Bloge ko lekar utha raha haiu ki maine Shaharukh Khan ke bare me Likha ki unhe NEW YORK me jakar apani Suraksha n dene ki bat kisi Magazine me nahi kahani chahiye thi & Espar PAK. Ke Grih Mantry Rahaman Malik Jee ka bayan nahi aana chahiye tha. Agar ye bat 2vara v hue to mai usi bat ko 2vara likhuga; kyoki apane desh ka mamala desh ke Andar hi Salatana chahiye. Shaharukh Bolliwood ke KING hai & “BOLLIWOOD” Bharat ke Film Industry ka Naam hai. Ab esase jyada espar mai kya kahoo. Usi BLOGE me shayad maine Tatkalin CAG k eek bayan ki v charcha ki thi. Logo ko uspar v Dhyan le jana chahiye.

(vi)              Meri Rajnitik PARTY bani nahi hai, abhi REG. hona baki hai & mai aapko batadoo ki hamari PARTY “JATI, JAMAT & DHARMA” se upar uthakar “RASHTRA” ki Rajniti karegi. Aur kuch log kahate hai ki mai Rajniti kar raha hoo to saph kardoo ki jab RAJNITIK DAL banaya hai to RAJNITI karooga hi. Lekin meri Rajniti sabase jyada PARADARSHI hai, espar kisi ko shak nahi hona chahiye. Rajniti me 19-20 ki bat mai v karata hoo; lekin 15-25 ke bare me kabhi sochata v nahi; kyoki jab aisa soch liya to aapki RAJNITI & Meri RAJNITI me Antar KYA raha jayegi.

(vii)             Log kahate hai ki mai “SVARTHI” hoo & Apani Rajnitik PARTY banakar apana Rajnitik Buniyad khada karana jahata hoo. Agar Rajniti karani hai to kisi PARTY se KYO nahi JUD jate. Mai aapko batadoo ki Mai apane Jeevan me KINHI ka bahut bada FAN tha; lekin jis bat ko lekar mai unhe Pasand karane laga tha. Aaj usi bat ko lekar mai aage bada raha hoo & Vo mujhe rokane ke liye Tarah-2 ke Hathkande apana rahe hai. Ab sochiye ki etane dino me unaki Rajnitik Soch badal gayi; lekin meri nahi badali to phir mujhe “SVARTHI” kahane ka hak kisi ko nahi hai.

(viii)           Aajkal har Net aka Beta khud ko KISAN, MAJDOOR & GAY-BAKARI charane wala kahane me lage hai; jabki Sachchae hai ki vo sabhi Neta Jee ne SANGARSH kiya; lekin unake PUTRA aisi bat kahakar logo ko Bhramit kar rahe hai. Unaki Bachpan se Javani A.C. & Gadiyo me biti hai. Achchhe-2 School me padae kiye hai. Jin Ladako ke sath rahe hai vo Sambhrant Parivar se aate hai. Aise me unaki ye Bayanbaji sirph-&-sirph Dhakosala hai VOTERO ko lubhane ke liye. 4 bat aapki BHASHA me bol KYA diye aap unhe apana samajhane lagate hai. Esase aaplog bachiye. Jara sochiye ki etane dino se Rajniti me Gholmatol chal raha hai, sare Neta ek hai. Aapko v pata hai, aap unake deevane hai; lekin aapko KYA mila. JATI ke Naam ko hi le lijiye to kuch logo ki JATI unake Surname ke sath jude hote hai; lekin jinka surname KUMAR ya simple hai vo to apani JATI ko ek Pahachan v nahi de sakate; kyoki (  ) me apani JATI ka Naam thode n likhate hai, phir etani Deevanagi KYO?

Ye tamam Aarop jo mere upar lag rahe the & aapko Digbhramit kar rahe the. Maine apani ray spasht kar diya hai, jo shuru se hi erk hai bas usaki vyakhya Galat kar di ja rahi hai. Antar Sirph etana hi hai. Ab aaplog khud sochiye ki en vivado me rahana hai ya jayesa mai kahata hoo use visvas ke sath manate hua aage badana hai……….

"SAMAJ & ARTHAVYAVASTHA" 23.07.2013

                                                   

                                 “AMUL DAIRY” aaj Bharat ki sabase badi “SAHAKARI SANTHA” hai & usase Labhanvit hone wale Pariviro ki Sankhya, usake Vigyapan ke anusar 35,00000  hai. Halaki jo Pratidin Aay bataya jar aha hai, vo Nisandeh Visvas karane yogya nahi hai; kyoki jis teji se Doodh ke Dam bad rahe hai vaise me unaki Aay usase 3-4 Guni jyada hogi. Humane kal “AMUL DAIRY” ke tarja par Bihar me “SAHAKARITA” ko Majdoot karane ki bat kahi & use Pure desh me lagoo karane ki bat kae bar apane BLOGE me kar chuka hoo. Hum sabase pahale spasht kar de ki koe v Yojana, desh ki Arthavyavsgtha ya Samajik Vyavstha se juda ho, use ek sath pure desh me lagoo nahi kiya ja sakata hai. Esake liye Samay chahiye; kyoki jo koe v es karya me lagega, use BAJAR ki v jaroorat padegi & jaise-2 BAJAR milata jayega, yojana ka vikas hota jayega. Bas jaroorat hai, Ek “EMANDAR PAHAL KI & SAHI NIYAM KI”. Niyam se mera tatparya yah hai ki estarah ki kisi yojana me BPL Parivaro ko Prathamikata deni padegi. Hum samajh sakate hai ki KAM mushkil hai; lekin Chunautiyo se bhara nahi hai.

Kal maine jo POST likha vo “AMUL DAIRY” ke Vigyapan ke Aakado par aadharit hai, jisake Anusar har Parivar ke logo ko humne 100/- ki har Subah Aay dikha di; lekin Bad me sochane par pata chala ki vah Aay kahi jyada hoga; kyoki abhi Ek Achchhi Gay ya Bhais Bajar me kharidane jaye to usaki KIMAT 25,000/- se kam nahi hogi & vo Subah sham milakar kam-se-kam 10 kg to doodh degi hi. Abhi dodh ki kimat Bajar me 34-36 Rs. Hai. Chuki Sarkar aapke Ghar jakar doodh ko kharidegi to usapar usaka KHARJA hoga & use v kuch Aamadani chahiye to man kar jale ki aap key aha se doodh 30/- me li jani chahiye. Agar 30/- me n lekar Sarkar us doodh ko 28/- me leti hai to v bechane me koe nukasan nahi hoga; kyoki aap har din 10/- doodh bechege & aapke har din ka Aay 280/- hoga. Humane kaha ki Sarkar aapko bina sud ka LONE de & ek Samay ke doodh ki kimat KIST ke roop me Sarkar le le. Aise nato Sarkar ko koe Afasos hoga & nahi aapko. Kyoki aapke hatho me ek din me 140/- aayege. Estarah se dekhe to aap 6-8 mahine me Sarkar ke Karja ko chukka dege & Gay aapki ho jayegi. Esake bad 2no samay ki Aay aapke hath me. Matlab ek din ka mulaph Ausatan le to 225/-; kyoki kuch din Gay doodh nahi deti hai.

Ab sabase bada saval uthata hai ki Ek Garib Parivar, jo Majdoori v karata hai vo en Pashuo ki seva kaise kar payega? Es saval ka javab dhoodhane ki jaroorat nahi hai; kyoki Gay-Bhais ko khilane ke liye mushkil se 3 samay ki jaroorat hoti hai. Ek Subah me, 2sara Dopahar me & 3sara Sham me & en dino samay par aap kisi kam ko nahi kar rahe hote hai. Mana khel mer kam karana ho to garmi ke din me 8 baje & sardi ke din me 9 baje jate hai. Es samay se pahale Subah me aap apane Pashuo ko khila dege. Usake bad Dopahar me khane ko aate hai & aaram v karate hai. Dopahar me v aap Pashuo ko khila dege & sham me to aapke pas Phursat-hi phursat hai. Ab aap kahege ki jab kheto me kam karooga to CHARA kaha se laooga. Jab aap us Pashu se Pratidin ausatan 225/- kama rahe hai, pure sal ki bat karr raha hoo mai, to usake CHARA par 75/- Pradin kharcha v kar de to aapke pas pratidin 150/- bachega. Kae aapse kahega ki 75/- CHARA par kyo kharcha kare, jakar kheto se Ghas gada lege. Bahut siddha-sa javab hai ki 2-5 logo ke pas Pashu nahi hoge, Gauv me sare logo ke pas hoge, etana Ghas kaha se gadege. Usase achchha hai ki jakar CHARA kharid le. Esase Mehamat v kam pasdega & Munapha v jyada hoga; kyoki ghaso ko klhilane se Pashuo me Dodh jyada nahi hoti & espar mai kuch jyada nahi likhana chahata. Aapkhud baithkar es masala ko sulajh sakate hai.

Sabase bada saval, jo har es tarah ke Aarthik kadam uthane par hamara virodh katata hai vo ye ki  KISAN& MAJDOOR ke beech ki doori hum badana chahate hai. Aaj humne apane es Article ka naam hi rakh diya hai-“SAMAJ & ARTHAVYAVASTHA” matlab Arthavyavastha me vikas hone par Samaj ko kitana Phayada hoga & Samaj ke har tapake ke log kitani tarraki karege. Hum pahale se bolate aaye hai ki Vikas ki rafter Anupatik Kram me hoga & jitana vikas ek BPL Parivar ko hoga, Anupatik Krama me utana hi Vikas UPL YA usase upar ke Parivaro ko hoga. Vo kaise hum batate hai? Sarkar ke jis kisi v Pariyojana ko Shuru karane ki bat hum kar rahe hai, usaki Buniyad “Sahakarita” par toka hua hai. Jisme ek Vyakti akela kuch nahi kar sakata & ek Vyakti ke rooth jane par pura Systam rook jayega. Jaise etane sare Pashuo ke liye CHARA kaha se aayega to usake liye hume kheti karani hi padegi. Sirph kheti hi nahi karani padegi, pure sal kheti karani padegi. Jaise Shaharo me CHARA Bajar me bikata hai & log roj kharid kar late hai, usitarah Gauv me v CHARE ki dukan khul jayegi; kyoki Ek Garib Parivar ke pas utana CHARA Ekkatha rakhane ke liye Jagah nahi hai, vaise me jisake pas Jagah hai vo CHARE ki dukan khol lega. 2sari bat ki etana jyada Khapta hone par KYA hum pure sal CHARA juta payege. Bilkul juta payege; kyoki sal ke 2 Mahine jo hamare yaha Khet khali rahate hai, ussamay hum kheto me Pashuo se sambandhit Ghas upajayege & use jyada bechege. Yaad rahe CHARA bechane ka KISAN hi karega; kyoki khet usake pas hai to CHARA v usi ke pas hai. Ustarah se KISANO ko baithe-bithaye Subah-Sham 2 Ghante ki Rojgar mil gayi & sal ke 2 Mahine jo khet khali rahate the, ussamay me v kheto me Ghas upajakar vo Atirikta Aay kamayege. Aur jab Majdoor Pashu palkar, etana Sangharsha kar doodh bechege to kya KISAN 4-5 Gay nahi pal sakate; kyoki unake pas to sabkuch apana hai. Estarah se dege to “SAHAKARITA” KISAN& MAJDOOR ki doori ko badata nahi, use “DOSTI” me badal raha hai & bina kisi atirikta Parishram ke dono ko munapha ho raha hai. Ab phir se saval uthata hai ki Kya etane sare CHARE se hum sare Pashuo ko Khila payege? Bilkul sahi saval hai & usake liyew hume Anaj ka v upayog karana padega. Jaise Makka ki manga bad jayege, jo kam samay me & kam Mehanat me upajata hai. Aur jab “SAHAKARITA” etana aage bad jayegi to Sarkar v kuch aise phasalo ko ejat kar sakati hai, jo samay ke anuroop ho. Usase 2sara phayada hai ki Sarkar, jo Sade anaj MID-DAY MEAL, JAN-VITARAN PRANALI & SHARAB-PHAIKTRIYO Bech rahi hai, vo ab Pashuo ke liye upalabdha hoge & unsari jagaho par Behatar Anaj milega & KISAN ke Anaj v Sahi Mulya par & Sahi samay par bikege.

Abhi tak sabase bada saval jo samane aaya hai vo yah ki Hum etana doodh ka karege kya? Ye sabase badi Samasya hogi Sarkar kea age; lekin Druhnishchaya ho to hum esase v nijat palege. Sabase pahale to jo doodh hamare desh me 34/-36/- Kg bik rahi hai, esaki KIMAT ghat jayegi & hum pahale logo se doodh bechane kki kimat 25-30/- ke beech rakha hoo. Matlab saph hai ki aage doodh ke dam nahi badege 7 abhi v doodh ke dam me 2-3/- ki kami aa jayegi. To kahi-n-kahi doodh ka bajar badega; lekin utana nahi badega, jitana utpadan hai. Lekin doodh ke dam ghatane se Shahar ke logo & Dunkandaro ko v phayada hone lagega & Nakali MAVE & MITHAE ka jamana chala jayega. 2sari bat abhi hamare desh me Prati Vyakti Doodh ki khapat 250 gm. Hai, jo sirph peene me nahi Chay, Dahi & doodh se bane anya utpado ke roop me hum Prayog karate hai. Mai batadoo ki mai akele rat me ½ kg doodh peeta hoo & chay v 5 bar peeta hoo & 150 gm Dahi v roj khata hoo. Yani ki desh me jo Ausat doodh ki Prati Vyakti Khapat hai, mai usase 3 guna khata hoo; lekin Ausat 250 gm hi hai; kyoki es Ausat me desh me doodh ki kul khapata & kul Jansankhya ko shamil kiya gaya hai. Jab -2 Ghar doodh utpadan hoga to jo aaj doodh nahi pee rahe hai vo v doodh peene lagege & Prati Vyakti doodh ki khapat achanak 800gm tak ho gayegi. 2sara Rasta hum doodhg ke utpado ki sankhya bada dege. Agar Gauv me v “CHOCOBAR Icecream” bikane lage to log khayege hi & kyo nahi kayege unahe pas paisa hai. Aur “CHOCOBAR” ki kimat v ghat jayegi. Aise dekhe to doodh ki utpadan badane se hum desh me “KUPOSHAN” ko kam kar rahe hai & Udyogo ko v badava de rahe hai. Ab Udyog to vahi lagayege, jinake Pas “PAISA” pahale se hai; lekin doodh ko badava dene se unako khud-bakhud Bajar mil raha hai; kyoki ab logo ke pas “PAISA” hai, unake utpad kharidane ke liye. Esase Vikas v ho raha hai & Garib log, jinhe aadhar mankar GARIBI ka AAKALAN kiya jata hai unake rahan-sahan v behatar hote jayege. Matlab saph hai ek Kadam uthane se desh ke har tapake ko labh ho raha hai & Sarkar ko har kadam par TAX mil rahi hai. Estarah se GDP me “KRISHI” ka yogdan v bad raha hai. Hum aapko batade ki hamara desh abhi Dodh-utpadan me Duniya me No.-1 hai & Prati Vyakti doodh ki khapat 250 gm hai; jabki Narve jaise desho me yah 850 gm ke karib hai. Agar esase jyada Dodh-utpadan karate hai, jo ki hoga hi to hum use bechane ke liye Antrarashtra Bajar ki aor usaka rookh karege, jo Sarkar ka Kam hai.

Ab saval uthata hai ki jo janana bahut jaroori hai, nahi  to “HATHODA” marane wale log sb par pani pher dege ki sal me 3 Mahina koe v Janvar doodh nahi degi. Aise me Garib log kya karege? 1hali bat ki aapke pas bachat ke roop me 225/- pratidin aata raha hai. Maatlab aap 3 mahina use khila sakate hai. 2sari bat bachcha dene ke bad ek Gay ya ek BAIL aapko mil jayega, jo samay ke sath apani kimat chukayega. Yani 3 mahine tak Pashu ko khilane & usake bad usake Bachche ko khilane me aapko koe nukasan nahi hoga. Bad me vah apani kimat dekar jayega. 2sari sabase badi bat jo bar-2 kahi ja rahi ki jab Garib logo ke pas Gayo ki Sankhya bad jayegi, tab Kya karege? Bahut sadharan-sa javab hai ki unhe Pashuo ko rakhane ke liye jagah ki v jaroorat padegi, jo unake pas nahi hai & ye sachchae hai. 3sari bat jo humane kaha ki unake Jivan-Star me badava hoga & unaka Khan-Pan & Rahan-Sahan badal jayega; kyoki unake pas “PAISA” hoga. Logo ka kahana hai ki aise m,e jab sare PAISE vo kharch kar dege to Pashu-Palane ki Kya jaroorat hai? Hum aapse bas ek saval poochhana chahate hai ki aapke beech se koe Sarkari Naukari karata ho & aap Majdoor ho to usame & aapme Kya pharak hai. Usaka Jeevan-Star aapse behatar hai; kyoki usake pas “PAISA” hai. Bilkul vaisi hi sthiti aapoke sath hogi. Agar aap kharcha nahi karege to koe Javardasti aapse “PAISA” nahi lega & agar “PAISA” aapke pas hai to aap kharcha karege hi. Ye Arthshashtra ka Niyam hai ki “PAISA” kisi ek Hath me nahi tikata, vo ghumata rahata hai & jab “PAISA” ek Jagah tik jata hai to Desh ki Arthavyavastha “BADAHALI” ki sthiti me pahuch jati hai, jaisi hamari sthiti hai.

Ek saval aur jo mujhase poochha jar aha hai ki hum Doodh-0utpadan ko badava dene ko kaha rahe hai, “MANAREGA” ko puri tarah lagoo karane ki bat kar rahe hai, “KSB” ki taraohadari me lage hai, jab Etana “PAISA” & “ANAJ” ek Garib ke pas aa jayega to vo kamane kyo jayega? Bilkul jayega & jana chahiye; kyoki jab Phasal nahi hogi to “KSB” khud-bkhud band ho jayega. Pashuo ke liye CHARA nahi milega. Phir sirph bachega “MANAREGA” , oi aapko “PAISA” dega; lekin jab ANAJ ke dam bad jayege; kyoki Anaj kam hoga to Dam badega, vaisi sthiti me Mehanat karane ke bad v “PAISA” nahi rahega. Esliye aap ensari bato ko bhul jaye & jo bat maine upar likhi hai ki “SAHAKARITA” ek CHAIN ke roop me kam karati hai, mat ek kadi toota to sare khel band ho jayege & log yahi chahate hai ki khel band ho & unaka khel chale. Esake alava “GOBAR” ke utpadan se ek to jalavan ki samasya door hogi & 2sari Prakritik Khad ke roop me v esaka upyog kiya ja sakega. Yani ki Sarkar ko v Khad-Sabsidi se rahat milegi; kyoki KISANO ke pas to PRAKRITIK-KHAD hoge, jo jyada phayademand hota hai.

Ek aur mahattvapurna bat, jo humane FDI ke jariye har Ghar se kuch-n-kuch kam dekar use Videshi Bajar me Bechani ki Bat kahi thi to logo ka kahana hai ki Aakhir etane Sarto ke sath koe Niveshak apane desh me KYO aayega? Ye to sapana jaisa hai. Bilkul koe sapana nahi hai. Hum Videsho apane desh ke Prachar ke liye “ATULNIYA BHARAT” ke tahar crore Rs. Kharcha karate hai. Agar hum jyada-se-jyada 10,000 Crore Rs. Videsho me apane svadeshi Sttal lagane par kharcha kar de to hum apane logo ko Bajar muhaeya kara dege; lekin Sarkar to aisi bato ko lekar Ghambhir hi nahi hai.

Chalate-2 sabase bada saval & sabase bada javab ki hum en tamam yojanao me kamayab ho jaye, esaki KYA “GARANTY” hai. Ha & Bilkul ha; kyoki 2007-08 me Bangladesh ke Arthashashtri “YUNUSH KHAN JEE”, jo “LAGHU VITTA” par kam karate hai, unhe esake liye Arthashashtra ka “NOVEL PRIZE” mil chukka hai. Aur hum puri tarah se aasvasht hai ki aisi sari yojanao ko Amalijama pahanakar Pure desh ki Arthjvyavshtha ko ek naya AAYAM diya ja sakata hai, jisaka “ EK & AAKHARI MANJIL” “HAR TABKE KE LOGO KI KAMAYABI HAI”. Log kuch bato ko parokshatah svikarane v lage hai…….

                           DHANYABAD…………….

"AAKHIR KAB TAK ROODIVADI SOCH SE BANDHE RAHEGE 'HUM'" 21.07.2013

                                                    

 Jis desh ki “PRASTAVANA” me likha ho ki “SAMAJVADI, PANTHANIRPEKSH, SVANTRATA, AVASAR ki SAMANATA, EKATA, BANDHUTTVA” ki bat likhi gayi ho, us Samvidhan me Aur Kya-2 likha gaya hoga, jisaki samajh hume yahi se mil jati hai. Hamare desh Visva ki 2sari sabase bada (jansankhya me) desh hai. Hamare desh ki Aavadi ka Lagabhag 65% Aavadi YUVA hai, us desh ki KSHAMATA & KARMANYATA ka Aakalan esi se kiya ja sakata hai. Halaki hume ab apani badati Jansankhya par niyantran karana chahiye; lekin desh ki es YUVA-SHAHTI & Apar Urja ko ek nayi Disha de kar “EK NAYA BHARAT” banana ki jaroorat hai. Hamari Sarkar Duniya ki sabase badi “LOKTANTRIK SARKAR” hai, jisake “LOKKALYANKARI SHABDA”  chhipa hai. Hum apane Nagariko ko AARAKSHAN dete hai, taki vo aage aa sake. Hum “BAJAT” me ya phir yu v kae Yojanaye Pass karate hai, taki LOGO ka VIKAS ho sake. Hamare desh ki “BAJAT” Ghate ki hoti hai; kyoki hum logo ke Kalyan ke liye NITIYA banate hai. Etana kuch hone ke bavajood hamara desh abhi Duniya ki 2sari sabase Teji se bad rahi Arthavyavastha hai. Ye bate mai nahi kaha raha hamare VITTAYA MANTRY JEE ne 2013-14 ke “BAJAT” Pesh karate hua kaha hai…….Let me say, however, there is no reason for gloom or pessimism. Even now, of the large countries of the world, only China and Indonesia are growing faster than India in 2012-13. And in 2013-14, if we grow at the rate projected by many forecasters, only China will grow faster than India………Sirph Vittaya Mantry Jee hi nahi 2 din pahale hamare Pradhan Mantry Jee ne v “ASSOHAM” ko sambodhit karate hua yahi bat 2hara ………I would not like to make a forecast of what our growth will be in the year 2013-14. The IMF has recently reduced its earlier projection of growth rates for all countries including India, for 2013. We had targeted 6.5 percent growth at the time the Budget was presented. But it looks as if it will be lower than that.
Apako lag raha hai ki PradhanMantry Jee ne apani ARTHAVYAVASTHA ki philhal lachar sthiti ko bata hai. Bilkul nahi kuch din pahale UN k eek report me v INDIA ko 2^nd GROWING COUNTRY IN THE WORLD kaha gaya hai……India, the world's second fastest growing economy, has been ranked as poorer Nations report on global poverty than its blighted enemy Pakistan in a United ……. Aapko Aashchrya ho raha hoga ki jis desh ke Vittaya Mantry, Pradhan Mantry & UN jaisi sansatha manati hai ki hamare desh Duniya ka 2sara sabase TEJI se bada rahi ARTHAVYAVASTHA hai to phir “MAHAGAYI & AARTHIK MANDI” ka rona KYO roti hai Sarkar, jabki kisi v Drishti se aisa nahi lagata ki hamare desh me MANDI hai. To kya ye sari Paristhitiya Sarkar ki Upaj hai ya Vipaksh ki Kyoki v Sarkar Chunavi-Varsh me kyo chahegi ki vo aise halato se Gujare. Vahi 2sari taraph dekhe to Sarkar ki Bayano se saph prati hota hai ki usaki Mansa v Vikas ko lekar spasht nahi hai, nahi to “KALA BAJARI” ko to Sarkar rok hi sakati. Lekin SATTA & VIPAKSH jab ek ho jaye & Media mano “HANUMAN” ki Bhumika me hokar sabhi Dalo ke prati apani “SWAMIBHAKTI” dikhane me laga ho to us desh me to “BAJAR” hi “KALA-BAJAR” ho jayega.

2sari bat jo Pradhan Mantry JEE ne kahi hai ki……. • The average growth rate in the 8 years of the UPA from 2004-05 to 2012-13 was 8.2 percent per annum. This is much better than the 5.7 percent reached in the previous 8 years……….Ab aap khud sochiye ki agar Pichhale 8 salo me Hamari Arthavyavastha ki Ausat Vikas-Dar 8% raha hai to es sal aisi kya bat ho gayi ki hamari Arthavyavastha ki sthiti MANDI ke daramyan se v badatar ho gayi. Esaka javab Pradhan Mantry Jee ne nahi diya hai. Vahi 2sari aor Sarkar ne 2013-14 ki “BAJAT” ki Ghoshana karate hua kae “LOKKALYANKARI BATO” ko sadan ke Patal par rakha, Usase sabandhit Viitiya Bill ko Sadan me pas karaya to ab use Lagoo kyo nahi kar rahi hai? Aakhir hamare pas “PAISA” tha, tab to Vittiya Bill pas hua, nahi to Sadan me aisi bate rakhi hi nahi jati;kyoki vo to “SANSAD KE VISHESHADHIKAR HANAN” ka mamala ban jata & sambandhit Mantry ko Sansadiya Samiti ke samane pesh hona padata., Lekin Vipaksh kuch bol nahi rahi hai. Ab esaka KYA artha nikala jaye.

Ek durbhagyapurna Bat, jo Pradhan Mantry Jee ne apane Bhashan ke daramyan kahi vo ye ki……..Industrial growth has not yet recovered. However, I am happy to say that agriculture looks well set to show a good performance. In fact, one of the important achievements of our Government is that agricultural performance has improved considerably. In the Tenth Plan period agriculture grew at 2.4 percent. In the Eleventh Plan period it grew at the rate 3.6 percent. In the Twelfth Plan we have targeted 4 percent growth for our agricultural sector. I am hopeful that the current year, with the rains being plentiful thus far, agriculture will do well. This will help revive demand in rural areas which will contribute to stronger industrial performance in due course……..Yaha PradhanMantry Jee ne apane desh me “KRIDHI” ke Vikas ko Rekhankit kiya hai, jo sarahaniya hai. Lekin sabase dukhad bat hai ki hamara desh ek “KRISHI-PRADHAN” desh hai & hamare desh ki 60-65% Aavadi “KRISHI” par Kendrit hai. Vaha ke Pradhan Mantry ye kahe ki es Barish achchhi hua hai, jise “KRISHI-UTPADAN” behatar hone ki ummid hai. Hamare desh me har sal BAD se kitane log MAR jate hai & Kitane Gauv Barabad ho jate hai; lekin hamari Sarkar ne abhi tak koe thos Taiyari nahi ki. Agar hum pure desh me NAHARO ka jal bichha de to vo BAD ki Vivishika hamatre liye Vardan ban jayegi. Halaki Atal Jee ki Sarkar ne Nadiyo ko jodane ka Planing kiya tha, usase kahi kam kharcha me Naharo ka jal pure desh me Bichha sakate hai. Lekin Aajadi ke 65% sal bad ek “KRISHI-PRADHAN DESH” apane Kisano ke liye Varsha ki Entajar me rahatiu hai. Ye sach hai ki hamare desh me GDP me “KRISHI” ka yogdan 3-4% rahata hai; lekin esapar hamare desh ki 60-65% Jansankhya nirbhar karati hai. Hum ese nahi bhul sakate. Agar etane dino me(sirph es sarkar ko nahi) koe SAMVEDANSHIL Sarkar hoti to Krishi ke Vikas ke liye kam karati & Krishi par aadharit etani badi Jansankhya ko dheere-2 2sare Vikas kar rahe Sector me lekar jati, esase ek “KRISHI” ki utpadakata par v koe kami nahi aata, hamare logo ka v Vikas hota & hamare desh ki GDP dono aor se badata; lekin Hamari Sarkare Yojanaye to banati hai, jo Bhrashtachar se Nipat hi nahi pati.

Kuch din pahale maine MANAREGA se logo ko & Sarkar ko v Bachat ke raste dikhaye the. Espar jab maine apani ek Ristedar ko kisi karan se PHONE kiya to unaka kahana tha ki unhe 3 din se MAJBOOR nahi mil raha, unaki Gehu ki katae nahi ho rahi, vo meri Madad nahi kar sakate. MANAREGA ke Vikas par JCB Maliko ki aapatti rahi ki jab sare kam Majdoor karane lagege to jis MALAE ko vo baith kar kha rahe hai vo unhe naseeb nahi hogi. Mandooro ke taraph se aisi pratikriya aati to mujhe malal nahi hota; kyoki vo kam pade-likhe hote hai & unhe bat kaphi spashtah samajhani padati hai; lekin aap to MALAE katane wale logo me hai, jara sochiye ki jisake pas POOCHI hogi vo v bhala kabhi baith sakata hai. Aur khushnaseebi ki bat ki Agar Sarkar NAHAR se sambandhit etani sari pariyijanao ko shuru kar de to MANAREGA & JCB ko phursat hi nahi rahegi. Ha mere PHOOPH JEE ka jo shikayat thi ki Mjdoor nahi mil raha vaha par thodi AKLA se kam lena padega Sarkar ko; kyoki Majdoor Bhai lakh kamala Phasal nahi hogi to ROTI kaha se kharidege. Esake liye unhe KISANO ki madad karani padegi. Aur 2sari bat Nahar v to KISAN ke liye hi ban raha hai. Agar KISAN pareshan hoge to Nahar banana band ho jayega & aap phir se Majdoori karane hi aa jayege. Ladane wale to ladava dege; lekin Nukasan kiska hoga ye aap sochiye. 2sari bat MANAREGA me 200 dino ka Rojgar hai & jaha tak meri samajh hai to KRISHI- KARYA ko agar ROUTINE –Way me kiya jaye to 165 din se jyada ka nahi hoga. Phir aisi sare vivado par Rok lag jati hai. Sirph ek bat raha jati hai ki jab Majdooro ko Ghar Baithaye Anaj & MANAREGA se PAISA mil jayega to vo kamayega kyo? Espar maine pahale hi likha hai ki agar aap PAISA jama nahi karege to aapke bachcho ka Bhavishya v aapke jaisa hi hoga. Aur baithkar khane klage to desh par Bojh ban jayiyega. Ab phaisala aap kijiye; kyoki log to aapko desh ka hissa hi nahi manate. Mai to aapko desh ke Nirman me Bhagidar bana raha hoo.

Aage jo bat PradhanMantry Jee ne kahi vo pachane wali nahi hai……We have taken measures to control the demand for gold and I am happy to say they have had some affect. Gold imports declined sharply in June, and I hope they will stay at normal levels from now on.

On petroleum products, we began a process of correcting the prices of petroleum products last year. The gradual correction that was taking place in diesel prices had reduced the gap in under-recoveries from almost Rs 13 per litre to less than Rs 2 per litre. Unfortunately, some of this has been undone by the depreciation of the Rupee. However, our policy of adjusting prices to progressively eliminate under-recoveries remains in place………..unaka kahana hai ki unhone desh me “SONE” ki Aayat ko roka, usase shayad vo kahana chahate hai ki “SONE” ki kimat giri. Esaka sabase Prabhavi Asar ye hai ki “SONE” ki Aayat kam karane se hamare pas $ ki bachat hogi, jisaka Etemal hum “PETROLIUM” kharidane me kar sakate hai. Lekin “SONE” ki Aayat kam karane se “SONE” ki kimat BADA jayegi naki Ghat jayegi; esliye PradhanMantry Je eke es tarka ko koe nahi man sakata. 2sari bat jo unhone “PETROLIUM” se sambandhit kahi hai to mujhe yaad hai ki jab “PETROL & DISEAL” ke dam lagatar bad rahe the, tak main eek POST kiya tha ki “OPEC” Petrolium padartho ki kimat tay karati hai & jabtak waha se DAM nahi badate Duniya ke kisi Bajar Petrolium ke Dam nahi badate. Tab jakar logo ne $ ka khel khelana shuru kar diya ki $ ke badale Rs. Kamjor bad raha hai, esliye Petrolium ke Aayat Manhaga ho raha hai, jisase PETROL & DESEAL ke dam bad rahe hai; lekin $ ke Majdoor hone ka asar hamare Share-Mark. Par nahi pad raha hai, jo hairat ki bat hai. Ab ensari bato ko chhodakar aage jo mai bat likhane jar aha hoo vo Humsabko hairat me dal dega.

UN k eek Report ke anusar hum Duniya me 2sari sabase TEJI se bada rahe Arthavyavastha hai, jo maine upar v likha hai. Usame kae Chaukane wali bat samane aayi hai………: Despite widespread poverty in the country, India is on track to meet the United Nations' Millennium Development Goal (MDG) of poverty reduction by 2015, a UN report said today.

"...although poverty remains widespread in India, progress has been substantial. In India, the poverty rate fell from 49 per cent in 1994 to 42 per cent in 2005 and to 33 per cent in 2010. If the current pace continues, India will meet the poverty reduction target by 2015," UN Secretary-General's Millennium Development Goals report released by UN Information Centre said here…… Esake anusar hum teji se apane desh me Garibi ko KAM kar rahe hai & 2015 tak yani 2 sal bad hamare yaha GARIBI samapta ho jayegi. Ye Aakada UN ne INDIA ke bare me diya hai, jo INDIA ne bataya hai use. Ab bahar apane desh ki Tariph karate hai hum & Naam kamate hai. Vahi apane desh me jab Garibi ke Mulyankan ki bat aati hai to 67% JANSANKHYA ko “ KSB” ke tahat le aate hai.atlab saph hai ki Kanoon bana nahi & Ghapala ki Taiyari Shuru. Ab sochiye ek to etana davab ke bad Kanoon bana rahe hai & jab Kanoon bana rahe hai to Lagoo hone se pahale hi aapse Jyada Khud ke PET ki chinta kar rahe hai. Meri jaha tak jankari hai to apane desh me 30-33% Jansankhya Garibi-Rekha ke niche hai; lekin “KSB” me UPL wale logo ko v shamil kiya jar aha hai; esliye 67% Aakada de sakate hai; phir v apana Gunjaesh to bachkar rakhe hi hai. Esase v Chaukane wali bat mai Niche likhane jar aha hoo…….In absolute terms, 41.6 per cent of India's 1.1 billion people earned less than 78 pence per day compared with 22.6 per cent of Pakistan's 173 million.
The report quotes its 'multi-dimensional poverty index' which includes measures of schooling, child mortality, nutrition, access to electricity, toilets, drinking water, and hygienic living conditions, and reveals India is poorer.
It found 53.7 per cent of Indians suffering from this broader kind of poverty, compared with 49 per cent of Pakistanis.
More surprisingly, India is ranked below Pakistan and Bangladesh on gender equality which reflects maternal death rates, teenage pregnancies, access to education, and thenumber of women in the workplace.
"It is things like healthcare and education which have India lagging behind Pakistan, Bangladesh, Nepal and Sri Lanka. These countries are well on track and India, with its fast growing economy, has still not got its act together," she said………. Esame UN Report ke anusar hamare desh me GARIBI , Pakistan ki tulana me jyada hai. Esliye nahi ki hamari JANSANKHYA jyada hai, baki ye Aakada % me diya gaya hai & Pakistan ki Tulana me INDIA me Garibi 100% jyada hai, tulanatmak roop se siddha 2 guna. Etana hi nahi Pakistan, Bangladesh & Shreelanka, jo ki INDIA se kam Teji se Vikas kar rahe hai, ye UN v manati hai; lekin School ke mamale me, Shishu Mrityu Dar ke Mamale me, Poshan ke Mamale me, Bijali ke mamale me, Shauchalaya ke mamale me, Saph Pani ki uplabadhata ke mamale me & Rahan-Sahan ke mamale me INDIA se aage hai. Ek bat mai aapko batadoo ki Sarkar upar likhi sari bato se Sambandhit Bahut sari yojanaye Chalati hai & NAAM kamati hai; lekin sachchae ye hai ki usaka pura “FUND” UN se aati hai, jisame MID-DAY MEAL v ek hai & Agar UN ko pata chal gaya ki BHARAT hamare PAISE ka kis tarah se durupyoga kar raha hai to sare “FUND” rok diye jayege, UN me jo hamari sthiti Majboot hai Kamjor ho jayegi & Hum Vishva-Viradari se Alag-Thalag pada jayege. Yakin nahi hai ti 1999 me ATAL JEE dvara kiye gaye PARAMANU-PARIKSHAN ko dekha lijiye ki kaise Vishva me Koharam macha tha; lekin us samay chuki galati apani nahi thi & kuch log hamare sath the, esliye hum surakshit the. Lekin es MUDDE par koe v desh aapka sath nahi dega. 2sari bat jo 8-9 paimane bataye gaye hai, jaha par hum peechhe hai, Usame sirph Ek majahav ke log nahi hai ki “SACHCHAR COMMITTI” ka havala dekar koe bach jaye. HINDU Dharma me v SC/ST/OBC & GEN se v kam sankhya me hi sahi kuch log hai. Aur jaha tak Minority ki bat hai to unake Neta to unake Beech jate hai to “CAUM & MAJAHAB” ki bat karate hai & Bahar aate hi Mahaul ka maja lene lagate hai. Unaki bat uthao to unako Takaliph hoti hai & khud BAHARE ban kar baithe hai. Mai to bahut karib se dekh raha hoo logo ko. Kisi Neta key aha “EPHTAR  PARTY” karava diye & apane logo ke beech jakar Peeth thapathapane lage. KYA “EPHTAR PARTY” se hi ho jayega, “VIKAS” ko MUDDA nahi hai unake liye. Agar nahi hai to kisi “JALASE” me jane par “SACHCHAR COMMITTI, AARAKSHAN & N JANE KYA-2” KYO bolate hai. N bole, vaha v chup rahe.

Spasht hai ki hamare desh me en sari Paristhitiyo ka karan sirph-&-sirph Dakiyanusi NITI hai. Agar HINDU ko khush karana hai to PAKISTAN ko gali de do & Mushlim ko khush karana hai to HINDUO ko gali de do & VOTE le lo. Kab tak chjalega ye sab, Aakade bata rahe hai ki PAKISTAN humse VIKAS-DAR me bahut peechhe hai; lekin VIKAS me humse aage hai. Vaha Sthayi Sarkar nahi rahati, Aatankvad ki samasya hai, Gharelu Samasya hai, phir v VIKAS me hum se aage hai. Lekin hamare yaha aisi koe Samasyaye hai; lekin VIKAS me peechhe hai & VIKAS-DAR me aage hai KYO? Kyoki hamare yaha VIKAS ki GATI kuch logo logo ki MUTTHI tak simit hai, jo PAISA banate ja rahe hai, Ghapala ho raha hai & PAISE ka phailav pure desh me nahi hai; lekin ensare BINDUO par hamara desh peechhe hai & PAKISTAN, BANGLADESH & SHREELANKA me v Bhrashtachar hai, kae tarah ki samasyaye hai, jo hamare desh me nahi hai; lekin PAISA ka phailav pure desh me hai; esliye vo en sare mapdando par humse aage hai. Maine chhoti-si bat kahi ki AAM LOGO ko ek Degree muhaeya karaya ja sake; taki vo EJJAT ki Jingadi ji sake; lekin SATTA me baithe logo ko ye v pasand nahi. Ab desh ke bare etana kuch karib se janane lage hai aaplog, KHUD v kuch socha kijiye……..
                                                                                 DHANYABAD………………..